Kritiserer Førde for ikkje å gi stortalent sjansen.
Sogndal Fotball prøvde måndag å hente Ruben Holsæter frå Førde.
Dagleg leiar Egil Mundal i Sogndal Fotball reagerer på at dei ikkje lukkast.
Ikkje i same land
- Vi var i Førde måndag, der vi prøvde å få Ruben Holsæter speleklar frå i
haust. Men vi var ikkje i same land når det gjaldt det økonomiske. Det Førde
kravde for Ruben er ikkje i takt med resten av marknaden i norsk fotball, og
vi var veldig langt frå kvarandre, seier Mundal til Sogn Avis.
Han er kritisk til at Førde ikkje vil sleppe stortalentet sitt til den opprykksjagande 1. divisjonsklubben.
- Eg synest ikkje Førde bør leggje hindringar for at Holsæter skal få prøve seg på eit høgare nivå. Det er merkeleg at det er viktigare for klubben å overleve i 2. divisjone enn å late ein av sine eigne prøve seg som proffspelar, seier Mundal.
Taper mot større klubbar
Fleire klubbar har vist interesse for 19-åringen frå Førde. Søndag var
representantar frå Brann til stades då Holsæter scora det avgjerande målet i
2-1 sigeren over Fana.
Les også:
Mundal vedgår at Holsæter kan glippe for Sogndal dersom større klubbar med store økonomiske midlar kjem på bana.
Styreleiar Rasmus Værn i Førde IL Fotball stiller seg undrande til Egil Mundal sine utsegner.
- Vi har som målsetjing å halde oss i 2. divisjon i år. Dei krava det vert referert til er det vi sportsleg og økonomisk meiner vi treng for å erstatte Ruben på ein måte som sikrar oss framleis spel i 2. divisjon etter denne sesongen, seier Værn til Sogn Avis.
Les kampreferatet på Firda LIVE
Sjå kven Sogndal møter i TV-ruta
Les kampreferatet på Firda LIVE
Sjå kven Sogndal møter i TV-ruta
