Best frå fylket under opningsdistansen på ski-NM på Voss.
Roger Aa Djupvik (30) frå Hyen vart beste løpar frå Sogn og Fjordane då ski-NM opna med 15 kilometer skøyting på Voss torsdag.
Alsgaard imponerte
Martin Johnsrud Sundby frå Røa vann løpet, med Andrew Musgrave på andreplass. Ronny Fredrik Ansnes vart nummer tre og Thomas Alsgaard enda som nummer fire.
Aa Djupvik avslutta løpet sterkt, og gjekk seg opp ti plasseringar dei siste fem kilometerane. Berre tre løparar hadde større fart enn nordfjordingen på den siste runden.
Fleire lokale
Stårheim-løpar Ronny Hafsås var ein av favorittane før start, men valde å stå over løpet.
Plasseringane frå fylket:
12: Roger Aa Djupvik, Lillehammer skiklubb
67: Reinar Aaland, Mesnali skilag
74: Martin Hegrenes, Førde
Sindre Hoff frå Førde braut 15-kilometeren.
