Sogndal tapte 1-2 i treningskamp
Sogndal måtte gi tapt mot Sarpsborg måndag kveld og tapte til slutt 1-2 etter at dei gjekk i tet 1-0 til pause.
- Rota vekk ballen for mykje
Etter 12 minutt etter spelestart scora Lars Grorud, men det blei også det siste målet for Sogndal.
– Vi spelte ein ok 1. omgang, men slapp oss nedpå og var altfor dårlege etter pause. Vi rota vekk ballen for mykje, og var ikkje i nærleiken av det nivået vi skal vera på. Det er vanskeleg å sei kva som gjekk gale, men dette var veldig skuffande, seier Sogndal- spelar Espen Olsen til Sogn Avis etter kampen.
Ifølgje Sogn Avis var det langt mellom målsjansane, men både Joakim Rudolfsen og Olsen hadde sjansen til å auka leiinga før pause.
- Tilfeldig siger
Trenar Harald Aabrekk var nøgd med spelet og viste til at laget var aggressive og vann ballen.
–Men vi var for unøyaktige i avgjerande situasjonar, mista ballen for lett og ikkje gode nok på detaljane som avgjer fotballkampar. Der må vi opp eit nivå til neste kamp, seier Aabrekk til avisa.
– Sarpsborg skapte ikkje noko utanom scoringane sine, så det er litt tilfeldig kven som sigra i denne kampen. Men vi må vera betre enn dette mot Fredrikstad på fredag, seier Aabrekk.
