Høgt oppe i vinnarlykke
Honndølane har mest vinnarlykke i Sogn og Fjordane. Innbyggjarane i nordfjordkommunen har ifølgje VG hatt ein snittpremie i Lotto på 883,56 kroner sidan 2004, og ligg med det på ein 10. plass i landet.
Størst er vinnarlykka i Austrheim i Hordaland der snittpremien pr. innbyggjar sidan 2004 lyder 1610,22 kroner.
Jølster høgt
Jølster følgjer bak Hornindal med ein snittpremie på 848,81 kroner. Også Årdal er inne på topp 20, med ein snittpremie på 776,98 kroner på ein 18. plass.
Bakgrunnen for VG-saka er storpremien i Vikinglotto på 31,6 millionar kroner som hamna i Nordreisa i Troms førre onsdag. Avisa kårar Nordreisa til den nye lottobygda. I 2010 gjekk også ein premie på 36,4 millionar kroner dit.
Ingen på rekordlista
Høgste lottopremien nokon gong gjekk til Austrheim i Hordaland førre onsdag og var på 63,2 millionar kroner.
Ingen av dei 10 høgste premiane har hamna i Sogn og Fjordane.
