Leiteaksjon sidan onsdag etter Spania-hund
- Har nokon sett Vida? spør Lars Geijerstam i Lavik.
Blandingshunden på tre år som tilhøyrer dottera hans, Christine, forsvann onsdag føremiddag.
På tur
Geijerstam var på tur til Kvamsstølen då hunden stakk av i granskogen ovanfor byggjefeltet i Lavik. Og sidan har ingen sett den, trass i mykje leiting.
- I dag, fredag, har sju-åtte personar med like mange hundar leita i liene inn- og utetter fjorden. Vi vil halde fram i morgon, om ikkje hunden dukkar opp, fortel Geijerstam.
Snø i fjellet
Han anar ikkje kva som har skjedd med hunden, men det er mykje hjort i området som den kan ha teke sporet av.
Det er så mykje snø i området at den neppe har stukke til fjells, trur han.
Adoptert
Christine bur til vanleg i Bergen med hunden, men Vida har vore mykje i Lavik og er godt kjend.
Tispa er opprinneleg ein spansk laushund som Christine adopterte for to år sidan.
Finn du hunden, ta kontakt med Christine på tlf. 970 14 146.
