Jervesaka frå Stryn hamna i Stortinget
For to år sidan skaut sauebonde Johan Berge i Oppstryn ein jerv som han hevda var i ferd med å angripe saueflokken hans.
Les også:
Berge nekta å betale bota han fekk og saka hamna i retten. Her blei bonden dømd til å betale 20.000 i bot og 15.000 i sakskostnader, noko som har fått mange til å reagere.
Nyleg stilte stortingsrepresentant Elisabeth Røbekk Nørve eit spørsmål til miljøvernminister Erik Solheim der ho ville vite om han er samd i domstolen si forståing av naudvergeretten, og om han meiner at domfelte har fått rimeleg behandling.
Les også:
Statsråden ville ikkje kommentere den konkrete saka, men viste til ei lovbestemming som enno ikkje er sett i kraft. Den vil føre til liberalisering av høvet til felle mellom anna jerv i naudverje, melder Fjordingen.
