Rekrutteringa har lokka til seg tannlegar i fleng
Tannlegedekninga i Sogn og Fjordane er betre enn den har vore på 15 år. Årsaka er den store rekrutteringa som har blitt gjort, og alt i alt har det komme ni tannlegar som starta i jobben no i august.
I fjor karakteriserte fylkestannlegen som elendig og han hadde då ti ledige tannlegestillingar og fleire tannpleiarar-stillingar som stod ledige.
Firda fortalde då at fylkeskommunen ville lokke nye tannlegar med ei begynnarløn på 500.000 kroner. For tannlegar med born under seks år, kunne fylkeskommunen også lokke med ein fridag i veka.
Les også:
– Det er klart at dette kostar, men det er vedteke at vi skal prioritere dette, seier fylkestannlege Bent Rønnekleiv til NRK Sogn og Fjordane.
– Vi har arbeidd med rekrutteringa, vore på skular, og forklart kva vi kan tilby. Vi har også møtt studentane i det siste studieåret deira slik at vi skulle få marknadsført oss for dei, seier Rønnekleiv.
